Ok, e kuptuam është një pandemi e dytë që po ecën paralelisht me të parën dhe quhet “Stories“.
Viktima e radhës është Spotify. Po, po një platformë e dedikuar ekskluzivisht muzikës, ku deri më sot asnjëherë askujt nuk i ka interesuar të shohë foton apo videon e ndonjë VIP-i, krejt e kundërta e kemi preferuar vetë për këngët dhe playlistat.
Aplikacioni është duke testuar publikisht opsionin e ri. Gameri TmarTn e ndeshi këtë test teksa po kërkonte për këngë krishtlindjesh dhe foto e profilit të playlistës ftonte të shihje këngët e preferuara të vipave. Ndërfaqja duket njësoj me ato të të gjitha aplikacioneve të tjera; një vijë e ndarë sipër me kohën e secilës video, prekja majtas djathtas të kalon nga njëra tek tjetra.
Spotify has stories now….
S P O T I F Y
This has got to stop pic.twitter.com/xsurbrJblx
— TmarTn (@TmarTn) November 27, 2020
E vërteta është se Spotify është parë të testojë këtë funksion që në gusht 2019. Duket se tashmë është aprovuar dhe dita kur ta shohim në aplikacion nuk është e largët. Efekti Snapchat vazhdon të ndjehet edhe vite më pas nga dalja e parë.
Kshu siç po shkojnë gjërat nuk është çudi që edhe e-Albania të fusë Stories.
