Spotify ka vendosur që të ridizenjojë faqjen kryesore në aplikacion, me qëllimin që të bëjë më të thjeshtë për përdoruesit që të gjejnë këngë apo podcasts të reja për të dëgjuar dhe shikuar. Ky dizajn i ri fokusohet në rrëshqitjen vertikale midis përmbajtjeve, duke e shndërruar faqjen kryesore në një feed të ngjashëm me TikTok dhe Instagram.
Kjo gjë u bë e ditur nëpërmjet eventit Stream On që Spotify organizoi dhe tregon qartë planin e platformës për të ardhmen. Përgjatë viteve të fundit kompania ka investuar shumë në podcasts, audiobooks si dhe live audio, duke u shndërruar në një shtëpi për krijues të ndryshëm, siç ka treguar dhe vetë CEO Daniel Ek në një intervistë.
Megjithatë, qëllimi kryesor i kompanisë është të shtyjë përdoruesit e rinj drejt përmbajtjeve në formate të tjera përveç muzikës, të cilat sjellin përfitime më të mëdha për Spotify. Prej disa vitesh kompania po përpiqet për të gjetur një mënyrë se si të organizojë hapësirat e veçanta për podcasts dhe muzikën, dhe më në fund ka vendosur që t’i lejojë secilit format më tepër hapësirë.
Kur ju të përdorni versionet e reja të Spotify, do të shikoni disa albume të reja apo covera të playlists të ndryshme në krye të faqjes. Megjithatë më poshtë do të shikoni një video apo podcast që luhet automatikisht, dhe ju mund të dëgjoni më tepër rreth saj vetëm me një klikim.
Gjithashtu ju mund të shiukoni një foto të re si në Instagram në të cilën rekomandohen këngë të reja në playlist-in që ju pëlqeni.
