Dhe pse të dhënat e fundit tregojnë se numri i personave që po kalojnë nga Android në iOS është më i lartë, Google ka krijuar një aplikacion i cili ju lejon të kaloni lehtësisht nga iOS në Android. Ky aplikacion vjen në një kohë disi të keqe për Android, pasi ajo përbën 72% të tregut nga 77% në 2018, ndërkohë që Apple ka parë një rritje prej 9% gjatë të njejtës periudhë, duke përbërë 28% të tregut.
Ky aplikacion quhet Switch to Android dhe është dizenjuar për të lehtësuar proçesin e kalimit të të dhënave nga njëri sistem operativ në tjetrin. Switch to Android aktualisht lejon të gjithë përdoruesit e iPhone që të transferojnë fotot, videot kontaktet apo dhe eventet e kalendarit në një smartphone të ri Android pa nevojën e lidhjes me kabuj.
Ky aplikacion funksionon gjithashtu si një guidë për përdoruesit e rinj të Android, duke treguar se si të çaktivizojnë iMessages, në mënyrë që historia e mesazheve të mos humbë ndërkohë që ndodh transferimi.
Është ende e vështirë të kuptojmë nëse ky aplikacion do të ketë një impakt të rëndësishëm në përfitim të Android, megjithatë kjo gjë do të shihet me kalimin e kohës.
