Të paguash për të përdorur një rrjet social? Kjo ide mund të duket mjaft e çuditshme, por ky është drejtimi që Twitter ka ndjekur me “Twitter Blue”. Ky shërbim do të kushtojë $3 në muaj.
Çfarë përfitoni nga Twitter Blue?
Twitter Blue përfshin një grup shërbimesh të reja që janë dizenjuar për të përmirësuar eksperiencën aktuale në aplikacion.
Bookmarks Folder
Twitter ka një shërbim Bookmark që ju lejon të ruani tweets. Në shërbimin falas, këto tweets ruhen të gjitha në një vend dhe nuk janë të kërkueshme. Në Twitter Blue, ju do të keni mundësinë t’i organizoni bookmarks sipas dëshirës tuaj në Folders.
Undo tweet
Nëse e keni përdorur Twitter-in, ju e njihni dhimbjen që ndjeni pasi vini re se tweet-i juaj ka një gabim drejtshkrimor. Në versionin falas, e vetmja mënyrë për të korigjuar këtë gabim është duke fshirë dhe ripostuar saktë këtë tweet. Mirëpo nëse ju përdorni Twitter Blue, do të keni të pranishëm një buton Undo. Timer-i është i kontrollueshëm dhe mund të zgjasë deri në 30 sekonda.
Reader Mode
Është mjaft e thjeshtë për përdoruesit e Twitterit që të krijojnë një thread të gjatë kur kanë shumë gjëra për të thënë. Normalisht, leximi i tyre mund të jetë disi i vështirë, prandaj Twitter Blue ka prezantuar Reader Mode. Ky modalitet heq UI e zakonshëm duke i përshtatur threads të duken si një tekst.
Twitter color themes
Të abonuarit në Twitter Blue do të përfitojnë akses në një mbështetje të dedikuar të përdoruesve. Kjo nënkupton se problemet e tyre do të zgjidhen më shpejt nga kompania. Një tjetër shtesë për to do të jenë ikonat e veçanta dhe ngjyrat e ndryshme.
