Në prill, një grup i madh editorësh firmosën emrin e tyre në një letër të hapur drejtuar Apple, ku i kërkohej që të bënte më tepër për të promovuar përdorimin e Final Cut Pro në industrinë e televizionit dhe të filmave.
Ditën e sotme Apple iu përgjigj zyrtarisht kësaj dhe kërkesave të tjera të bëra nga editorët. “Komuniteti krijues ka qenë gjithmonë dhe mbetet i rëndësishëm në Apple”. shkruajtën ata, ndërkohë që ftonin të gjithë përdoruesit të linin kërkesat e tyre për shërbime të reja. Kompania tregoi gjithashtu se do të shtojë produkte të reja për trajnim dhe do të krijojë një panel konsultimi me ekspertë të fushës.
Final Cut, në vitet 2000, ishte aplikacioni kryesor i përdorur në krijimin e filmave. Në 2011, Apple publikoi një version të ri të aplikacionit, Final Cut Pro X i cili u përball me shumë kritika. Në këtë version përfshiheshin shumë shërbime të reja, por përdoruesit ankohenin se në aplikacionin mungonin disa nga shërbimet kryesore që e bënin këtë software “të papërdorshëm”.
Apple i dëgjoi me vëmëndje këto ankesa, dhe solli updates të reja për aplikacionin, mirëpo dëmi tashmë ishte bërë. Në ditët e sotme dhe pse Final Cut Pro X nuk përdoret në masë në Hollywood, ka gjetur një përdorim të gjërë nga krijuesit e ndryshëm të videove, kryesisht për YouTube.
Ju mund të lexoni letrën e plotë këtu.
