Dyson ka zhvilluar një shërbim të ri që përdor sensorët e AR të smartphone-it tuaj për të shfaqur virtualisht zonat që keni pastruar me fshesën tuaj me korrent, në mënyrë që të shihni nëse keni kaluar një vend pa pastruar.
Shërbimi i quajtur CleanTrace përdor sensorin lidar që gjendet në iPhone 12 Pro/Pro Max dhe iPhone-t më të rinj, dhe ju kërkon që të lidhni telefonin tuaj me fshesën me korrent. Për momentin, Gen5detect që kyshton rreth $1000 është i vetmi produkt në radhët e Dyson që mund të integrojë mbajtësin e smartfonit, i cili do të shitet veçmas, dhe nuk dihet ende se sa do të kushtojë.
Dyson po planifikon të shtojë shërbimin në aplikacionin e tij celular si një përditësim falas kur të lançohet këtë qershor. CleanTrace ekziston sepse “konsumatorët janë të rastësishëm dhe joefikas – duke kaluar rregullisht në të njëjtat zona disa herë dhe duke mos pastruar fare pika të tjera”, tregon Dyson pasi analizoi të dhënat e mbledhura nga të gjitha produktet e tij dhe që kanë ndihmuar në pastrimin e shumë shtëpive.
Dyson i vlerëson fshesat robotike që frymëzuan shërbimin CleanTrace, por në fakt shumica e fshesave me korrent robotike kushtojnë qindra dollarë më pak (megjithatë, jo të Dyson-it), dhe madje edhe opsionet më pak të shtrenjta nuk ju bëjnë të pastroni vetë. Fshesat robotike nuk janë gjithmonë të përsosura dhe nuk mund të shkojnë kudo, sigurisht, kjo është arsyeja pse këto modele manuale ekzistojnë ende.
Ironikisht, Gen5detect tashmë ka veçori të integruara që synojnë të zbulojnë pluhurin dhe mbetjet që nuk i keni parë, si një dritë jeshile për ta bërë papastërtinë të dukshme. CleanTrace supozohet të ofrojë një shtresë shtesë provash dhe paqe mendore.
Është e paqartë nëse aplikacioni përdor ndonjë informacion nga vetë fshesa me korrent për të vërtetuar se i keni pastruar siç duhet dyshemetë tuaja, dhe kjo na bën të mendojmë nëse aplikacioni i Dyson mund të përdoret dhe nga fshesa të tjera të kompanive të ndryshme.
