Squid Game vazhdon të jetë një serial me tepër influencë në të gjithë botën, dhe ka bërë që shumë prej fansave të saj të shkarkojnë aplikacionet e reja në Play Store me të njejtin emër.
Mirëpo ky rast me sa duket po shfrytëzohet nga kriminelët kibernetik të cilët kërkojnë të vjedhin paratë e përdoruesve përmes aplikacioneve të reja që vjedhin të dhënat e tyre. Mashtrimi më i fundit, që u zbulua nga një cyber security researcher, mund të shkarkohet direkt nga Play Store. Ky aplikacion i ofron përdoruesve background të ndryshme të bazuara në Squid Game, ndërkohë që instalon malware të rrezikshme në smartphone-t e përdoruesve.
“Mashtruesit kanë gjetur një mundësi të artë për të bërë para përmes reklamave brenda aplikacioneve që bazohen në serialin e famshëm.” tha Lukas Stefanko, malware researcher, i cili zbuloi praninë e aplikacionit mashtrues “Squid Game Wallpaper 4K HD”. U zbulua se pasi ky aplikacion shkarkohej në smartphone, një virus Trojan do të infektojë pajisjen me Joker malware, i cili lejon hakerat të regjistrohen në emrin tuaj në shërbime premium prej të cilave ato mund të përfitojnë.
Lukas lajmëroi menjëherë Google rreth përdorimit të kësaj skeme mashtrimi, mirëpo aplikacioni ishte shkarkuar rreth 5,000 herë deri në kohën që u fshi nga Play Store. Prandaj, nëse ju jeni një ndër personat që e kanë instaluar këtë aplikacion, mund të jeni në rrezik, prandaj fshijeni menjëherë aplikacionin.
