A mendoni se është një ide e mirë që fëmijët të mos kenë akses në rrjetet sociale, për t’i mbrojtura ta nga përmbajtjet e papërshtatshme apo një ide e keqe që qarkullon në internet?
Në Australi, kryeministri Anthony Albanese ka njoftuar planet për ndalimin e përdorimit të mediave sociale për fëmijët. Ndryshimet e planifikuara do të sillnin një moshë minimale – që pritet të jetë midis 14 dhe 16 – për të përdorur mediat sociale deri në fund të vitit.
Ai tha se të rinjtë duhet të ishin jashtë duke luajtur sporte në vend që të merreshin me rrjetet sociale, të cilat po shkaktojnë dëme në rritjen e tyre. Në këtë mënyrë me vendosjen e këtij ligji, Australia do të ishte ndër vendet e para që vendos limite të tilla moshe për rrjetet sociale.
“Dua të shoh fëmijët të largohen nga pajisjet e tyre dhe në shkojnë fushat e futbollit, pishinat dhe fushat e tenisit,” tha kryeministri australian Anthony Albanese. “Ne duam që ata të kenë përvoja reale me njerëz të vërtetë, sepse e dimë se mediat sociale po shkaktojnë dëme sociale”, shtoi ai.
Ai tha se qeveria e tij do të kryejë disa prova për të kontrolluar moshat përpara se të prezantojë ligje minimale të moshës për mediat sociale këtë vit. Megjithatë jo të gjithë janë dakord me planin.
Rregullatori i internetit i Australisë, eSafety Commissioner, paralajmëroi se kufizimet mund të “kufizojnë aksesin e të rinjve në mbështetje kritike” dhe t’i shtyjnë ata drejt “shërbimeve më pak të rregulluara“.
Disa ekspertë shqetësohen se fëmijët mund të përjashtohen nga pjesëmarrja në botën dixhitale ose mund të çojë në përpjekjet e fëmijëve për të fshehur aktivitetin e tyre në internet.
Gjithashtu, aktivistët kanë argumentuar se në vend që të ndalojnë të rinjtë të përdorin rrjetet sociale krejtësisht, presioni duhet të jetë mbi kompanitë e mediave sociale për të bërë më shumë për të mbrojtur përdoruesit e rinj.
