Ndoshta jo koha më e mirë për të udhëtuar, por kufizimet kanë ekzistuar gjithmonë, mjafton pak imagjinatë dhe kokfortësi dhe gjithnjë mund të gjesh aventura. Në këtë artikull kemi vendosur të listojmë 5 aplikacionet më të domosdoshme për ata që udhëtojnë vetëm.
1. Travello
Ky aplikacion është një rrjet social dhe ngjason goxha me filozofinë e Facebook, vetëm se për udhëtarë. Nëpërmjet tij mund të marrësh këshilla nga udhëtarë që kanë vizituar destinacionet e tua. Ndaj foto, dhe këshillat e tua si dhe opinione për hotele e restorante. Për më tepër mund të bësh edhe rezervime direkt nga aplikacioni.
Aplikacioni është falas në App Store dhe Google Play.
2. Travel Smart
Ky aplikacion është specifikisht për këdo që zbulon vende të reja dhe nuk di asgjë për kulturën e vendit. Nëpërmejt tij mund të kuptosh si të sillesh në atë destinacion, sa bakshish të lesh, ku është ambasada më e afërt, cilat zona janë të sigurta dhe cilat jo. E për më tepër parashikimi i motit, valuta etj.
E gjen falas në App Store.
3. Meetup
Nëse shkon diku dhe nuk di çfarë të të bësh, futu në Meetup. Bazuar në interesat e tua personale aplikacioni mund të të sugjerojë aktivitete specifike të lokacionit ku ndodhesh. Duke qenë se funksionon me vendndodhjen e smartphonit mund ta përdorësh edhe nga shtëpia nëse do të njohësh miq të rinj e aktivitete rreth teje.
4. TripLingo
Edhe ky aplikacion është mjaft ndihmës kur shkon në vende të cilat nuk i njeh aspak. Për gjuhët e huaja mund të përdorësh Google Translate por ky app është më specifik në fraza të vendit, koncepte lokale dhe imazhe të tij. Nga një katalog prej 100 shtetesh zgjidh destinacionin tënd dhe jepi.
iTunes dhe Google Play.
5. Zomato
Gastronomia është sigurisht një nga arsyet pse udhëtojmë. Zomato ofron një varietet kuzhinash që i shkojnë shijeve të tua. Gjej restorantet, bëj rezervimet dhe eksploro opsionet e ushqimeve rreth teje.
E gjen në App Store dhe Google Play.
