Nëse ju jeni një ndër ato persona që mbajnë hapur 47 tabs të ndryshme njëkohësisht në Chrome, atëherë do të jeni tepër të gëzuar të dëgjoni rreth update-it më të ri të tij.
Përgjatë javëve në vijim, Google do të prezantojë 2 shërbime të reja në Chrome të cilat do të kursejnë memorien dhe baterinë e laptopit/kompjuterit tuaj. Ky update do të vijë në pajisjet Windows, macOS dhe ChromeOS përmes prezantimit të Chrome 108.
Energy Saver mode
Nëse ju jeni në laptop dhe keni më pak se 20% bateri, Chrome do të aktivizojë automatikisht Energy Saver mode, e cila do të rrisë jetëgjatësinë e baterisë. Në këtë mënyrë do të limitohet aktiviteti në sfond dhe efektet vizuale të website-ve që kanë shumë animacione dhe video.
Kur ky update të vijë, ikona për aktivizimin e këtij modaliteti do të gjendet në cepin e djathtë lart të browser-it.
Memory Saver mode
Google do të prezantojë gjithashtu dhe Memory Saver mode. Ky shërbim do të jetë i rëndësishëm për personat që kanë shumë tabela të hapura gjatë gjithë kohës. Kur Memory Saver të jetë aktivizuar, do t’i japë prioritet aktivitetit që ndodh në tabelën që keni hapur.
Në këtë mënyrë Chrome do të lirojë hapësirë nga memoria , duke rritur performancën e kompjuterit. Në të njejtin kënd do të shikoni dhe ikonën e re që tregon se sa memorie Memory Saver ka arritur të lirojë.
