Huawei e bën prap.
Foto të shkrepura me aparat profesional DSLR i shet si “të shkrepura me smartphone Huawei.”
Kompania po promovonte një konkurs fotografie në platformën Weibo, nëpërmjet një video me foto të mahnitshme. Aty deklarohej se këto foto ishin bërë me smartphonë Huawei. Vetëm se njëra (të paktën këtë kapën) ishte bërë me një Nikon D850 DSLR që kushton $3000.
Fotoja e dyshimtë u zbulua nga një përdorues i Weibo, të cilit fotot iu dukën të para diku tjetër. Pasi kërkoi nëpër internet, ai gjeti njërën prej fotove në platformën 500px. Burimi i imazhit deklaronte qartësisht se foto ishte bërë me kamerën Nikon. Më poshtë fotoja në fjalë:
Huawei nga ana tjetër kërkoi ndjesë për gabimin, duke deklaruar se një montazhier i kishte klasifikuar fotot gabimisht si “shkrepur me Huawei phones.” Si edhe falenderuan Weibo për sinjalizimin.
Për fat të keq kjo nuk është hera e parë që Huawei kapet në një situatë të tillë, përkundrazi rasti është përsëritur të paktën edhe 3 herë më parë. Dhe nuk është e qartë nga ana tjetër përse kompania vazhdon ta bëjë këtë gjë kur kamerat e saj janë nga më të mirat në treg dhe smartphonët e Huawei vërtetë nuk kanë nevojë të tilla marifete.
