Lëri pak mënjanë librat që po lexoi këto kohë se është koha të flasim për eksperiencën më të plotë të PC gaming. Sigurisht që një tower nuk është mjaft, do të të duhet një sërë aparatesh të tjerë për të patur eksperiencën e plotë të një gameri serioz.
Pa u zgjatur shumë ja lista e aksesorëve që Geek Room i sugjeron çdo gameri fillestar.
1. Kufjet Over-Ear
Pavarsisht sa të kanë kushtuar AirPodsat e bukur nuk do të jenë kurrë në lartësinë e kufjeve perofesionale. Këshillohet të marrësh kufje që e mbulojnë të gjithë veshin sepse do të luash për kohë të gjata dhe higjena dhe rehatia janë kyç. Ka pafund alternativa të cilat bartin edhe teknologji nga më të ndryshmet për përfshirje totale. Dhe sigurisht mikrofoni është thelbësor, ndryshe si do merresh vesh me gang-un?
2. Karrige Ergonomike
Disa orë në ditë bëhen shumë orë në jave, java kap muajin dhe vit pas viti dersa ta gjesh veten si Michael.
Postura ka shumë rëndësi, së pari në rehati, fhe karriget ergonomike kanë pafund pjesë të modelueshme për të dhënë këndin që dëshiron. Por edhe kujdesi ka shumë rëndësi, të pajisura me jastëkë për qafën, shpatullat, fundshpinën etj një karrige e tillë është esenciale.
3. Set boksesh stereo
Ndërsa kufjet të duhen për mikrofonin dhe privatësinë, nëse ke luksin e një ambienti të gjithin për vete një set boksesh stereo do të ishte goxha investim. Alternativat janë të pafundme, nga system surround deri tek Dolby Sorround ka pafund mënyra për të shijuar edhe audio eksperiencën.
4. Monitor me rezolucion të lartë
Ndoshta nuk do të të duhet rezolucioni më i lartë i mundshëm, por tani që edhe shërbimet e streaming po ofrojnë kontent 4K pse të të mungojë? E rëndësishme është të kërkosh një ekran të specializuar në dallimet e mprehta të kontrasteve HDR dhe raportin e rifreskimit nga 60fps e lart. Lojrat do të gjenerojnë detaje më të sakta dhe më shpejtë. Gjithë ato vite punë nga grafistët e lojës është mëkat të shkojnë dëm.
5. Tastierë të ndriçuar ergonomike
Pavarsisht efikasitetit laptopët dështojnë gjithmonë tek tastiera pasi përmasat nuk lejojnë kurrë rehatinë dhe kundër-reagimin e një tastiere mekanike.
Ndriçimi i pavarur është i duhur sidomos në dhoma të errëta dhe ka pafund alternativa që kujdesen për rehatinë e krahut dhe të kyçeve.
6. Mouse ergonomik
Ajo çfarë duhet të shohësh tek një mouse është DPI-ja (dots-per-inch) e cila tregon shkallën e preçizionit të tij. Sa më e lartë aq më mirë. Pjesa më e madhe e tyre vjen edhe me butona shtesë të cilët mund ti programosh sipas dëshirës.
7. Leva Bluetooth ose kabull USB
Nëse je një gamer që po kalon nga console tek PC dhe ke vështirësi me tastierën, levat janë mjaft të thjeshta për tu lidhur me njësinë.
Ka pafund alternativa përfshi këtu edhe Dualshock 4 e PS apo leva e Xbox One, megjithëse një PC gamer i vërtetë do të të shihte shtrembër.
8. Webcam
Ndërsa shumë njerëz po bëjnë një mal me para vetëm nga streaming përse të mos e provosh edhe vetë. Së pari ama të duhet një kamera me rezolucion të paktën 1080p. E nëse shqetësohesh për sigurinë tashmë ka mjaft zgjidhje nga plot kompani të dedikuara.
9. Drita të modifikueshme smart
Ndërsa një ekran i specializuar mund të të japë grafikën, abazhuri i dhomës nuk është tamam ndriçimi i duhur. Nga ngjyrat, forca e deri tek automatizimi i tyre sot ka pafund mënyra për një setup sa më estetik.
10. Një modem profesional
Interneti është thelbësor në PC gaming dhe një lidhje e fortë duhet me patjetër. Idealisht do të luaje me një kabull interneti të lidhur direkt në aparat por nëse nuk e ke këtë luks do ishte mirë të investoje në një modem të fuqishëm ose pse jo zgjatues sinjali, sepse edhe mungesa më e shkurtër e internetit mund ti japë avantazh kundërshtarit.
