Prodhuesi kinez i smartphone-ve inteligjent dhe automjeteve elektrike, Xiaomi, njoftoi se do të prezantojë një procesor të ri për smartphone të zhvilluar nga vetë kompania, të quajtur XringO1, në fund të majit. Njoftimi u bë nga CEO i kompanisë, Lei Jun, në rrjetin social Weibo, pa dhënë detaje të mëtejshme teknike.
Xiaomi ndërmorri këtë hap në zhvillimin e çipeve të vetat, pasi konkurrenca në tregun e telefonave inteligjentë në Kinë është rritur ndjeshëm. Kompani si Huawei dhe Apple po krijojnë ekosisteme të integruara duke përdorur çipe të personalizuar. Apple e ka ndjekur këtë strategji që nga viti 2010 dhe tani përdor çipe të vetat në të gjitha pajisjet e saj.
Sipas një burimi të njohur me çështjen, çipi XringO1 bazohet në arkitekturën ARM dhe është prodhuar nga TSMC duke përdorur teknologjinë e avancuar 3-nanometër. Xiaomi filloi zhvillimin e çipeve në vitin 2014 dhe prezantoi çipin e parë Pengpai S1 në vitin 2017. Por në 2019 ndaloi zhvillimin e çipeve për smartphone për shkak të kostove të larta dhe u përqendrua te komponentë më të thjeshtë. Zhvillimi i procesorëve rifilloi në vitin 2021.
Xiaomi synon të përdorë çipin XringO1 në pajisje premium si telefonë dhe tabletë. Aktualisht, pajisja më premium e saj—Xiaomi 15 Ultra—përdor çipin Snapdragon 8 Elite të Qualcomm. Qualcomm ka qenë furnizuesi kryesor i Xiaomi, dhe të ardhurat e saj nga Kina u rritën me 46% në 17.8 miliardë dollarë në vitin fiskal 2024.
Megjithëse kufizimet e SHBA-së e ndalojnë TSMC të prodhojë çipe AI për kompani kineze me teknologji 7nm ose më të avancuar, çipet për smartphone si XringO1 nuk janë prekur nga ky kufizim. Ky hap mund t’i ndihmojë Xiaomi të zvogëlojë varësinë nga furnizuesit amerikanë dhe të rrisë kontrollin mbi ekosistemin e vet të produkteve.
