Samsung Galaxy S23 Ultra është një pajisje që ofron cilësinë më të lartë në çdo aspekt. Dhe pse sistemi i kamerave ishte shumë i mirë, sapo u përmirësua akoma më tepër përmes versionit më të ri të software-it të prezantuar nga Samsung.
Kompania kishte nisur prej pak kohësh të punonte për të ofruar një përmirësim të kamerave, duke rregulluar problemet kryesore të raportuara nga përdoruesit e këtyre smartphone-ve. Është konfirmuar tashmë përmes një postimi në Samsung Community se ky përmirësim do të vijë në të 3-ja pajisjet e serisë Galaxy S23.
Një ndër problemet kryesore me kamerat në Galaxy S23 ishte fokusimi automatik i ngadalatë, prandaj Samsung ka bërë disa ndërhyrje për të përmirësuar shpejtësinë dhe saktësinë e autofocus.
Algoritmi i autofocus-it është ndryshuar për t’ju lejuar që të shkrepni fotografi dhe në rastet kur fokusi nuk është vendosur akoma, por ju mund ta ndryshoni një gjë të tillë në Camera Assistant > Prioritize Focus over Speed ON. Versioni i ri rregullon gjithashtu problemin e shfaqjes së një vije jeshile në anën e majtë të fotografisë kur përdorej kamera e pasme në Photo mode.
Gjithashtu Galaxy S23 përmirëson qartësinë dhe redukton reflektimin e dritave ndërkohë që ju regjistroni video në skena me ndriçim shumë të ulët duke përdorur Super Steady Mode.
Fillimisht ky update është prezantuar në Korenë e Jugut, por pritet të vijë për të gjithë përdoruesit në botë në javët në vijim.
