Duke përdorur dritën jeshile dhe një qelizë me dy shtresa, studiuesi Riccardo Ollearo nga Eindhoven University of Technology ka arritur të zhvillojë një fotodiodë me ndjeshmëri shumë të lartë që thyen rekordin e mëparshëm.
Panelet diellore gjatë kohëve të fundit kanë nisur të shikonë përmirëisme të mëdha për sa i përket efiçiencës së punës. Tashmë një ekip studiuesish po nga Hollanda, të cilët përfaqësojnë TU/e dhe TNO’s Holst Center, kanë arritur të zhvillojnë fotodioda duke u bazuar në teknologjinë e lartpërmendur me rendiment më të lartë se 200%.
Si mund të jetë e mundur një gjë e tillë? Sekreti qëndron në “botën magjike të efiçiencës kuantike dhe mbivendosjes së qelizave diellore” sipas ekipit të studiuesve.
“Unë e kuptoj që një gjë e tillë mund të duket e pabesueshme. Mirëpo ne nuk po flasim për një efiçiencë normale të energjisë. Ajo që ka rëndësi në botën e fotodiodave është efiçienca kuantike. Në vend të shumës totale të energjisë diellore, këtu përllogaritet numri i fotoneve që konvertohen nga diode në elektrone.” shpjegoi René Janssen, bashkë-autor në këtë studim. “Sa më shumë aftësi që të ketë një diodë për të kapur edhe sinjalet e dobëta të dritës, aq më e lartë është efiçienca e saj.”
Megjithatë që kjo fotodiodë të punojë siç duhet, nevojitet përmbushja e dy kushteve. Fillimisht duhet të minimizohet korenti që gjenerohet në mungesë të dritës – sa më pak “korent i errët” aq më sensitive është dioda. Së dyti, duhet të dioda të jetë në gjendje të dallojë nivelin e zhurmës së sfondit nga valët e rëndësishme infra të kuqe. Për fat të keq, këto 2 kushte shpesh herë nuk ndodhin njëherazi.
