Sipas një studimi nga University of Bath’s School, luajtja e një muzike të këndshme në supermarkete gjatë ditëve të javës mund të rrisë shpenzimet e klientëve me mbi 10%.
Blerësit e ditëve të javës, të cilët janë të lodhur mendërisht nga puna, janë në një gjendje vendimmarrëse më intuitive kur ekspozohen ndaj muzikës së këndshme, duke çuar në rritjen e blerjeve impulsive dhe përzgjedhjen e produkteve më të mira (njëkohësisht dhe më të shtrenjta).
Megjithatë, ditën e premten, kur njerëzit janë më të relaksuar dhe më të lumtur, muzika humbet ndikimin e saj në sjelljen e blerjeve. Studimi, i cili përfshinte intervista me drejtues të industrisë dhe blerës të ndryshëm, si dhe eksperimente në terren në një zinxhir supermarketesh suedeze, zbuloi se nuk kishte ndonjë ndryshim domethënës midis përdorimit të një muzike instrumentale ose vokale.
Është parë se java e punës nga e hëna në të premten është aq e përfshirë në përditshmërinë tonë sa që ka efekte dhe tek njerëzit të cilët nuk punojnë me një regjim të tillë apo dhe ato që tashmë janë të pensionuar.
Hulumtimi sugjeron që shitësit me pakicë mund të konsiderojnë përdorimin e muzikës në dyqan si një mjet marketingu gjatë ditëve të javës, por mund të kenë nevojë të eksplorojnë teknika të tjera për fundjavat kur klientët janë më pak të ndjeshëm ndaj marketingut nënndërgjegjeshëm.
