Elon Musk, Jeff Bezos dhe Mark Zuckerberg janë njerëzit më të pasur në planet, sipas listës së Forbes 400. Ata gjithashtu kanë shpenzuar mjaft kohë duke u përshtatur me ardhjen në pushtet të Donald Trump. Tashmë, raportimet më të reja tregojnë se të 3 do të jenë “në plan të parë” në ditën e riemërimit të Trump si president i SHBA.
Ata do të kenë një vend të spikatur në ceremoni, të ulur së bashku në platformë me të ftuar të tjerë të shquar, duke përfshirë të emëruarit e kabinetit të Trump dhe zyrtarët e zgjedhur. Përafërsisht në të njëjtën kohë kur u publikua raporti i NBC News, Musk konfirmoi se do të ketë një vend special gjatë eventit të ditës së hënë. Të prabishëm të tjerë të rëndësishëm do të jenë dhe Tim Cook, Sundar Pichai dhe Shou Zi Chew i TikTok.
Zakonisht gjatë kësaj ceremonie, në këtë vend të veçantë shfaqen anëtarë të familjes së presidentit të ardhshëm, paraardhësit e tij në Shtëpinë e Bardhë dhe zyrtarë të shquar amerikanë, duke përfshirë udhëheqësit e kongresit.
Tradicionalisht nuk ka patur miliarderë dhe megadonatorë të fushatave që shpresojnë të përfitojnë nga administrata e re. Një shfaqje e tillë jo vetëm që do të kishte qenë e pahijshme në të kaluarën e afërt, por do të kishte qenë edhe politikisht e rrezikshme: presidentët e ardhshëm nuk duan në përgjithësi të shihen sikur po shpërblejnë miliarderët me përfitime të veçanta politike, veçanërisht në një ngjarje të rëndësishme publike.
Megjithatë, ekipit Trump, me sa duket nuk i intereson shumë. Vlen gjithashtu të theksohet për kontekstin se Zuckerberg, nuk do të jetë vetëm një shoqërues i zyrtarëve të fuqishëm gjatë ngjarjes të së hënës. Pas bashkimit me Trump në platformën inauguruese, miliarderi gjithashtu thuhet se do të bashkëorganizojë një pritje pro-Trump me Miriam Adelson dhe Todd Ricketts, zgjedhja e Trump për zëvendëssekretarin e tregtisë.
