3 vite pas limitimit të numrit të mesazheve që përdoruesit mund të bëjnë forward në shtetin e Brazilit, WhatsApp ka vendosur që të publikojë këtë shërbim për përdoruesit në të gjithë botën. Aktualisht ky shërbim po kalon fazën testuese dhe do të prezantohet në një update të ardhshëm.
Sipas WABetaInfo, ky limitim është i pranishëm vetëm në versionin 22.7.0.76 të WhatsApp për iOS. Siç mund të shikoni nga screenshot-i i mëposhtëm, aplikacioni do të nisë limitimin e aftësisë për të shpërndarë mesazhe për të parandaluar keqinformimin.
Për momentin, shërbimi do të aplikohet vetëm mbi mesazhet që janë shpërndarë më parë. Nëse ju jeni autori i këtyre mesazheve, ju mund t’i bëni forward drejt secilit person që dëshironi.
Më parë mesazhet e bëra forward mund të rishpërndaheshin deri në 5 chats, ndërkohë që tani lejohet shpërndarja në vetëm një chat.
Gjitashtu WABetaInfo lajmëron se WhatsApp do të zëvëndësojë kategorinë e kameras me atë të Communities. WhatsApp Communities do të jetë vendi perfekt ku adminët e grupeve do të kenë më tepër kontroll mbi grupet në platformë.
Të dyja këto shërbime do të vijnë së shpejti në një update gjatë javëve të ardhshme.
