Samsung vazhdon të mbajë një pozicion stabël në radhët kryesuese për shitjen e smartphonëve, por duket se i ka krijuar vetes një tjetër fron, atë të smartphonëve të palosshëm. Nga 2.8 milion pajisje me palosje të shitura në 2020, 2.04 milion janë shitur nga Samsung, përafërsisht 75% e tregut.
Rezultat krejt i pritshëm kur nga 4 aparatët e tregtueshëm në botë 3 prej tyre janë prej gjigandit korean. Samsung arrin këtë rekord falë Galaxy Z Flip, Z Flip 5G dhe Z Fold 2.
Raportet aktuale tregojnë se edhe vitet në vazhdim do të kenë rritje për shitjen e këtyre aparateve, të paktë 17 milion deri në 2022. E duke qenë se i vetmi konkurent, njëfare kompanie e quajtur Huawei, e ka të gjymtuar pjesën më të madhe të tregut global, Samsung do të vijojë të mbetet në krye për gjatë.
Vetë kompania ka deklaruar se synon të rrisë prodhimin e madje në 2021 do të ketë plot 4 aparate nga të cilat mund të zgjedhë. Premtimi i saj flet për një rregullim të ekonomisë së prodhimit të tyre, në fjalë të tjera kompania synon që t’i bëjë më të lira në mënyrë që të kenë më shumë shtrirje por edeh më të përballueshëm nga masa.
