Në panairin IFA 2025, ku Geek Room dhe Neptun do të jenë të pranishëm për të parë nga afër inovacionet më të reja teknologjike, LG Electronics do të prezantojë një gamë të plotë pajisjesh për larje dhe tharje të rrobave, të pajisura me inteligjencë artificiale dhe efikasitet të lartë energjie, duke iu përgjigjur kërkesës në rritje për produkte të qëndrueshme në tregun evropian.
Në qendër të ofertës është LG HeatPump WasherDryer – i njohur si LG WashCombo – një njësi 2-në-1 që kombinon lavatriçen dhe tharësen. Modeli i parë, i prezantuar në Evropë në linjën LG SIGNATURE, arriti vlerësimin maksimal të Klasit A për ciklin e plotë larje-tharje. Versioni i ri ruan këtë nivel, duke përdorur teknologjinë DUAL Inverter HeatPump dhe ftohës me potencial të ulët ngrohjeje globale (R290), që përputhen me standardet më të rrepta evropiane. Dizajni i tij kompakt me kapacitet të madh dhe algoritmet inteligjente të AI-së sigurojnë kujdes të personalizuar për rrobat, duke e bërë atë ideal për familjet evropiane.
Si pjesë e angazhimit për qëndrueshmëri, lavatriçet e reja të LG ofrojnë Microplastic Care Cycle, që redukton deri në 60% mikroplastikat e lëshuara nga fibrat sintetike. AI Wash™, i bazuar në AI DD™, përcakton peshën dhe pëlhurën për të zgjedhur modelin optimal të larjes, duke kursyer energji dhe duke mbrojtur materialet delikate.
Modelet e reja të tharëseve arrijnë gjithashtu efikasitetin më të lartë energjetik të Klasit A, duke përdorur AI Dual Inverter™. Funksioni AI Dry™ përshtat shpejtësinë e tharjes sipas llojit të rrobës dhe lagështisë, për të ruajtur cilësinë e tekstileve dhe ulur konsumin energjetik.
Për klientët evropianë që preferojnë instalim vetjak, LG ka integruar funksione verifikimi në aplikacionin LG ThinQ, si dhe një Comfort Kit për modelet 24 inç, duke rritur lehtësinë e përdorimit. Dizajnet elegante, ndërfaqet intuitive dhe optimizimi automatik i cikleve e bëjnë gamën e re të përshtatshme për çdo shtëpi moderne.
Sipas Lyu Jae-cheol, president i LG Home Appliance Solutions, këto risitë pasqyrojnë kuptimin e thellë të zakoneve evropiane, duke forcuar pozitën e LG si lider në tregun e pajisjeve shtëpiake inteligjente.
