Neuralink është një ndër disa kompanitë e Elon Musk, e themeluar në 2016, me sfidën e radhës: leximin e mendimeve.
Përtej shakave, koncepti i përmbledhur i Neuralink është krijimi i proçesori të aftë për të lexuar valët e trurit, dhe krijimin e një ndërfaqeje për ndërveprim siç do të bëje me një aparat teknologjik, praktikisht neuronet të përkthyera në algoritme.
Skeptikë si studiuesit e Universitetit Ben-Gurion Israel thonë se ky nivel bioteknologjie është ekstremisht i veshtire pasi nuk është njësoj si shenja e gishtit apo irisi të cilat janë të prekshme, valët e trurit jo.
Skeptikë të tjerë, ngrenë pyetjen që të gjithëve na shqetëson, nëse Musk ia del edhe kësaj radhe të provojë gabim gjithë botën, apo kushdo tjetër qoftë, nëse truri do të jetë gjuhë kompiuterike a nuk do të jetë vulnerabël ndaj sulmeve kibernetike?
Hackerat që sot na sulmojnë kompiuterin nesër mund të na sulmojnë trurin, nëse pretendimet për të shkarkuar aftësi të reja në tru janë sado pak të vërteta, edhe ana tjetër e medaljes duhet të jetë po aq e vërtetë, mund të na i vjedhin. Apo më keq të futen dhe të na vjedhin kujtimet, një politikan në Parlamentin Anglez të kontrollohet live nga një cyberkriminel diku në një bodrum të Tailandës me një TeamView të thjeshtë.
Coronavirusi nuk do të ishte asgjë me një virus të shkarkuar gabimisht teksa po shfletoje ndonjë faqe për të rritur në trurin tënd ndërsa po prisje radhën në ashensor.
I njejti njeri që deklaron se Inteligjenca Artificiale mund ta mbizotërojë atë njerëzore brenda 5 vjetësh, duhet të japë garanci apo së paku shpjegime për këtë rrezik tjetër po aq konkret, pavarsisht se të hipotezuar.
Në 28 gusht Musk ka premtuar përditësime rreth kompanisë dhe avancimeve të tyre. Nuk dihet nëse do të japë të dhëna rreth shqetësimeve të mësipërme, ama një përditësim transparent rreth nivelit të sigurisë së tij do të ishte më se i nevojshëm.
