Shkencëtarët kanë krijuar për herë të parë “embrionet sintetike” përmes një metode novatore që shmang nevojën për spermë, vezë dhe fertilizim. Studiuesit në Weizmann Institute në Izrael zbuluan se qelizat burimore të minjve mund të organizoheshin që të grumbulloheshin në struktura të ngjashme me embrionet me një trakt intestinal, fillimet e trurit dhe një zemër që rreh.
Pritet që embrionet sintetike të ndihmojnë akoma më tepër në kuptimin e plotë të krijimit organeve dhe indeve gjatë zhvillimit të embrioneve normale. Gjithashtu shkencëtarët mendojnë se një gjë e tillë mund të ulë dhe numrin e kafshëve mbi të cilët eksperimentohet, por më e rëndësishme është zbulimi i qelizave të reja që do të ndihmojnë në transplantimin tek humanët.
Për shembull, qelizat e lëkurës nga një person me leuçemi mund të transformohen në qeliza burimore të palcës së kockës duke trajtuar këtë sëmundje.
“Në mënyrë të jashtëzakonshme ne tregojmë se si qelizat burimore të embrioneve krijojnë një embrion të plotë sintetik, ku përfshihen placenta dhe qeska që rrethon embrionin. Ne jemi tepër të emocionuar rreth kësaj pune dhe implikimeve të saj.” tha profesor Jacob Hanna, drejtues i studimit.
Hanna tregoi se embrionet sintetike nuk janë embrione të vërteta dhe nuk kanë një potencial për t’u zhvilluar në kafshë të vërteta, ose të paktën nuk u zhvilluan kur u transplantuan në mitrën e minjve femra.
Article by Xhonald Mamo
