Android është sot OS më i famshëm në botë, duke fuqizuar më shumë se 2.5 bilion aparate aktive. Më shumë se 80% e të gjithë smartphonëve përdorin Android. Një platformë në pronësi të Google e cila në vetvetë është në pronësi të Alphabet.
Në fakt një herë e një kohë Samsung e pati mundësinë për ta blerë sistemin operativ në atë kohë vetëm në hapat e para, por jo vetëm që nuk besonte në vizionin e Andy Rubin por për më tepër u tallën me idenë.
Në një takim në Seoul në 2004 Rubin, krijuesi i Android, bashkë me skuadrën e tij i treguan komisionit të Samsung vizionin e tyre për të krijuar një produkt mass-market. Pas disa momentesh heshtje njëri nga ekzekutivët tha “Ti dhe cila ushtri do ta krijojnë këtë? Ke vetëm 6 njerëz. Mos je gjë drru?”
Pak kohë më vonë Google bleu Android për $50 milion dhe punësoi Rubin si zv. president kryesor për kontentin mobile dhe digjital.
Ekzekutivët e Samsung u kthjelluan më pas dhe madje e telefonuan Andy Rubin për të folur nga më afër për “propozimin e tij shumë shumë interesant” por ishte tepër vonë.
Megjithatë nëse Samsung do ta kishte blerë OS gjërat do të kishin shkuar ndryshe.
Atë periudhë Nokia ishte në krye të tregut, e cila besonte se Symbian do të ishte e ardhmja. Samsung arriti ta rrëzonte nga froni vetëm në 2012 kryesisht falë Android.
Dhe ka 8 vjet që kryeson tregun falë punës fantastike të Google për të ofruar një platformë të hapur e falas për të gjithë. Zhvilluesit krijojnë aplikacione e sjellin eksperienca të reja pikërisht sepse tregu është kaq i hapur e masiv.
Nëse Koreanët do ta kishin blerë të parët historia do të kish marrë tjetër rrjedhë. Bazuar në faktin se ata tashmë e kishin një industri aparatesh me shumë mundësi Android do të ishte bërë një produkt i çentralizuar, i disponueshëm vetëm për smartphonët e tyre. Symbian do të kishte rezistuar më shumë dhe më e tmerrshmja Windows phones do të ishin akoma në qarkullim.
Këto janë spekulime sigurisht, askush nuk e di se si gjërat do të kishin shkuar, por e sigurt është që nuk do të ishte ndjekur e njëjta strategji e Google. Tek e fundit Samsung vazhdon të mbetet në krye ndaj edhe vendimi i tyre nuk mund të ketë qenë tërësisht i keq.
