Diku tek një vit më parë Huawei u bllokua nga Departamenti i Tregëtisë U.S duke i përjashtuar nga aksesi tek produktet vendase Amerikane. Kjo ndaloi edhe liçensimin e shërbimeve Google Mobile në smartphonët e tyre.
Praktikisht smartphonët e Huawei edhe pse Open Source Android nuk mund të instalojë aplikacione si Play Store, Gmail, Search, Maps dhe Drive. Jo dhe aq problem për atdheun e kompanisë, Kinën, ku ato shërbime janë gjithsesi të ndaluara por mund të ndikojë në produktin global.
A ka sens një Android pa Google?
Megjithatë Huawei ka sjellë një zgjidhje efikse duke shfrytëzuar third-party app stores.
Nëse njëri aplikacion nuk gjendet në AppGallery (Play Store i Huaweit) opsioni Petal Search do të gjejë një treg tjetër nga ku mund ta instalosh. Për Snapchat dhe aplikacione të tjera amerikane.
Huawei një kompani e akuzuar për dhunim privatësie, dhe raportim në qeverinë komuniste Kineze, është e vetmja kompani e cila funksionon pothuajse e pavarur nga kompanite e tjera per hardware dhe software, nga gjithë tregu përveç Google, fuqizimi i pozicionit të saj në treg do të krijonte konkurrencë, dhe më mirë për të gjithë.
Andaj Huawei po krijon një ambient sa më të kënaqshëm për këdo që zgjedh kompaninë, në mënyrë që të mos ia ndjesh mungesën Google.
Dailymotion do të jetë Youtube i Huawei, kjo sipas marrveshjes me gjigandit Kinez dhe videoplatformës Franceze.
Kujtojmë se Dailymotion është platforma video e dytë më e famshme në botë. Me kontent dhe komunitet të konsiderueshëm por edhe plane ekonomike për këdo që kërkon ta monetizojë kontributin.
Kujtojmë se Youtube u ble nga Google në Tetor 2006 për $1.65 bilion. Duke qenë se kjo nuk e lejon Huawei-n të bashkëpunojë me të, këta të fundit duhet të ofrojnë një opsion në mos më i mirë të paktën në të njëjtin nivel.
Investimet do të sjellin ide të reja, idetë e reja progres.
