Fotografia ka qenë gjithmonë një mënyrë fantastike për të ruajtur një kujtim, dhe me avancimin e fuqishëm të smartphonëve gjërat sa vjen e lehtësohen. Kur Soderbergh arrin të bëjë një film të plotë me kamerën e një iPhone edhe ne mund ta bëjmë një album të kuruar fotografik.
Ndaj ja ku sjellim një listë me këshilla për të të kthyer nga amator në pro fare shpejtë.
1. Gjej ekspozimin e duhur.
Këtë punë duhet ta bëjë kamera automatikisht, por ka situata ku ka vend për përmirësime. Ndaj drejtoja kamerën objektit të që do fotografosh dhe kliko tek ajo pjesë ku fokusi dhe sasia e dritës duhet të jetë e saktë.
2. Afrohu, por jo shumë
Nëse do të bësh një foto detaj, afrohu derisa smartphone të gjejë fokusin e duhur, sepse nëse afrohesh më shumë se ç’duhet pamja mund të mjegullohet.
3. Përdor rrjetën.
Vijat e bardha të cilat e ndajnë pamjen në 3 zona janë të këshillueshme të aktivizohen, pasi ndihmojnë për të pasur një kompozim më profesional të subjektit në fotografi. Simetria dhe pozicionimi i qëllimshëm i subjektit në raport me ato 3 pjesë tregojnë se di çfarë je duke bërë.
4. Përdor dritën e dritares.
Jo të gjithë e kemi mundësinë e një ndriçimi profesional dhe llampat abazhurit të dhomës nuk janë projektuar për qëllimin tonë, ndaj drita natyrale është më e mira. Sigurohu që kamera të jetë në drejtim të kundërt me diellin dhe shfrytëzo xhamin e dritares si filtër për të caktuar sa dritë të duhet. Predet e holla apo errësues të tjerë hyjnë në punë mjaft mirë.
5. Ulu poshtë.
Subjekte si kafshët apo fëmijët janë më poshtë se ne si gjatësi, ndaj një foto nga lartësia jonë nuk tregon si duhet prezencën e tyre. Ulu në gjunjë dhe afrohu, derisa të gjesh këndin e duhur për të përfaqësuar sa më mirë edhe këndvështimin e tyre për botën. Përshtatu me prespektivën e subjektit tend.
6. Përdor hijet.
Drita është gjithmonë kyç në foto. Nëse dielli në perëndim apo dritat e rrugës gjatë orëve të vona futen në lente, zakonisht shkatërrojnë çdo lloj balance. Vër dorën sipër lentes, dhe merr vetëm reflektimin burimit të dritës. Por kujdes mos fotografosh edhe gishtat.
7. Pastroje.
Kamera e një smartphone është e projektuar që ti rezistojë gërvishtjeve pasi edhe vija më e vogël në atë xham do prishte gjithë fotografinë. Por kjo nuk do të thotë se pluhuri apo avulli nuk grumbullohen në të, ndaj së bashku me syzet e diellit, jepi një të fshirë kamerës së smartphonit gjithashtu.
8. Shrytëzo hapësirën.
Lentet kënd-gjera janë standart tashmë, ndaj herën tjetër kur të bësh një foto me të, provo të gjesh hapësira boshe dhe në njërën pjesë poziciono subjektin tënd. Pavarsisht se fotoja do të përbëhet më shumë nga hapësira boshe, subjekti do të jetë më i theksuar kështu.
9. Mos lëviz.
Edhe dridhja më e vogël ndjehet në kamera, pavarsisht autostabilizimit të aparatit tënd. Mos lëviz dhe mos shtype butonin butë. Nëse nuk je në buxhetin e duhur për një stativ, lëre telefonin në një sipërfaqje të qëndrueshme ose mbështetu tek një mur ndërsa e mban smartphonin në duar. Nëse subjekti jot është në lëvizje bëj disa foto dhe zgjidh atë me më pak blur.
10. Eksploro këndet.
Kalo nga njëra lente tek tjetra dhe ji i hapur për gjëra të reja. Duke respektuar burimin e dritës provo të lëvizësh rreth subjektit tënd dhe shih çfarë mundësish të reja paraqit secili prej këndvështrimeve. Eksploro me nivelet dhe distancën me të dhe kompozo foton duke përzgjedhur mjedisin që do të përfshish në kuadër.
