Google është një mjet tepër i rëndësishëm kërkimi ku ne çdo ditë mësojmë gjëra të reja mbi të cilat nuk kishim dijeni më parë. Mirëpo sipas një studimi të kryer në University of Texas tregohet se njerëzit që përdorin Google për të gjetur informacion kanë më tepër besim në aftësitë e tyre për të sjellur përgjigjje të sakta pa përdorur këtë browser.
Studiuesit testuan disa subjekte mbi njohuritë e përgjithshme, duke i lejuar ato t’i përgjigjen pyetjeve duke përdorur njohuritë e tyre ose duke kërkuar në Google. Në disa raste, subjektet më vonë do të besonin se informacioni që ato kujtuan nuk ishte marrë nga Google.
“Kur ne jemi vazhdimisht të lidhur me njohuritë, kufijtë midis njohurive të brendshme dhe të jashtme fillojnë të zbehen. Më pas ne kujtojmë se informacionet që kemi mësuar nga Google janë informacione që ne kemi mësuar vetë.” tha autori i studimit Adrian Ward.
Zbulimet e Ward tregojnë për një degëzim modern të efektit Dunning-Kruner, një fenomen psikologjik në të cilin njerëzit me njohuri të limituara mbi një temë tentojnë të mbivlerësojnë njohuritë e tyre.
Më parë njerëzit mbështeteshin në leximin e librave për të gjetur informacione, mirëpo tashmë shpejtësia dhe lehtësia e gjetjes së një informacioni përmes Google bën të mundur që ne të ngatërrojmë informacionet e gjetura online me informacionet e ruajtura në trurin tonë.
