Një meteorit i vjetër u zbulua në shkretëtirën e Saharasë vitin e kaluar dhe pas ekzaminimeve është identifikuar si një copë nga një planet i formuar para krijimit të Tokës.
Shkëmbi hapësinor me emrin EC OO2 është 4.6 miliardë vjeçar dhe përbëhet kryesisht nga shkëmb vullkanik. Shkencëtarët besojnë se kjo copëz është shkëputur nga korja e një planeti shumë kohë më parë.
Ekipi i përbërë nga shkencëtarë francezë dhe japonezë mendojnë se shkëmbi një herë e një kohë ka qenë llavë likuide, e cila është ngurtësuar për mbi 100,000 vite për të formuar shkëmbin 31 kg të gjetur në Tokë. Kërkuesit janë shprehur se ka dhe asteroidë të tjerë që janë gjetur me të njejtat karakteristika që mund të kenë ardhur nga shkatërrimi i planetit të hershëm. Megjithatë asnjë asteroid i gjetur nuk shfaq karakteristika identike me EC OO2.
Mosha e meteoritit është zbuluar pas studimit të izotopeve të magnezit dhe aluminit, e cila rezultoi 4.6 milionë vjeçare. Ekipi e përshkruan EC OO2 si një “copë e trashë, e nxirë dhe me ngjyrë bezhë”. Ai përbëhet nga 58% dioksid silikoni, duke e bërë shumë herë më të rrallë se asteroidët e tjere.
