Studiuesit nga SHBA dhe Izraeli kanë arritur në përfundimin se bullizmi kibernetik ka një impakt shumë më të keq në adoleshentët, krahasuar me bullizmin “tradicional” ballë për ballë.
Në këtë studim u analizuan të dhënat e mbi 10,000 fëmijëve në SHBA në moshat 10-13 vjeç nga korriku i 2018 deri në janar të 2021. Gjatë studimit u zbulua se viktimat e bullizmit kibernetik në adoleshencën e hershme kanë më tepër gjasa të kenë “mendime vetëvrasëse” në krahasim me personat që janë bullizuar offline.
“Në një kohë ku adoleshentët e rinj po shpenzojnë më tepër kohë se kurrë online, ky studim shpjegon efektin negativ që bullizmi kibernetik ndikon negativisht në shëndetin e të rinjve.” tha autori Dr Ran Barzilay.
Shkalla e vetëvrasjeve tek të rinjtë është në një rritje të vazhdueshme, dhe në 2018 u bë shkaku i dytë më i madh i vdekjeve tek personat 10-24 vjeç. Faktorët që kontribuojnë në vetëvrasjen e adoleshentëve nuk janë kuptuar asnjëherë tërësisht, mirëpo kërkimet tregojnë se faktorët stresantë luajnë një rol tepër të rëndësishëm.
Mirëpo surpriza e këtij studimi ishte se bullizmi online është një fenoment tërësisht i veçantë nga ofendimet ballë për ballë, pasi lidhja midis vetëvrasjes dhe adoleshencës së hershme ishte më e lartë tek personat që bullizohen online se tek ato që bullizohen ballë për ballë.
