Pas kërkesës së WhatsApp për të ndarë të dhënat edhe me Facebook, disa prej nesh pranuan menjëherë, ndërsa të tjerë ngritën njërën vetull e shtrëngun sytë në mosbesim dhe janë ende të pavendosur nëse duhet të pranojnë apo jo. Po nëse refuzoj të përdor aplikacionin më të përdorur në botë për mesazhime, cilat janë alternativat?
Epo njeriu më i pasur në botë e ka që tani një alternativë. Kujtojmë që Elon Musk ka pasur disa herë përplasje me Zuckerberg dhe ka bërë shpesh thirrje për bojkot ndaj Facebook. Menjëherë pasi rrjeti u vërshua nga pakënaqësitë e përdoruesve ndaj kërkesës së WhatsApp, ai sugjeroi Signal.
Use Signal
— Elon Musk (@elonmusk) January 7, 2021
Signal poashtu është një aplikacion i cili shkëmben tekste, foto, video, audio dhe dokumenta nëpërmjet internetit, qoftë një me një por edhe në grupe. E njëjta gje edhe me video apo audio telefonatat. Ai funksionon midis platformave iOS, Android dhe Desktop. Për kontakte përdor numrat e rubrikës që ke ruajtur në smartphone. Sa për sigurinë ai është po ashtu i enkriptuar skaj më skaj. Madje është WhatsApp ajo që deklaron se përdor të njëjtin protokoll enkriptimi si Signal (jo e kundërta).
Sa i takon privatësisë ajo përfshin edhe një shtresë më tepër sigurie të quajtur Screen Security. Kështu përdoruesit mund t’a aktivizojnë atë duke shkuar tek Settings, dhe do të ndalojnë këdo nga plikacionet e smartphonit përfshi edhe veten nga shkrepja e screenshot-eve. Në këtë mënyrë edhe nëse ndonjë aplikacion është duke mbajtur shënim ç’je duke bërë në smartphone, aktivitetin tënd në Signal nuk e monitoron dot. Kompania premton se versioni desktop nuk do të përfshijë reklama, të paktën për tani.
Kjo platformë open-source është themeluar në 2018 nga Brian Acton me një fond fillestar prej $50 milion. Acton është një sipërmarrës amerikan, ish punonjës i Yahoo dhe njëkohësisht bashkë themelues i Whatsapp me Jan Koum.
Në këtë fazë ai është alternativa më e besueshme, me një shtrirje virale të momentit prej 10 milion shkarkime. Baza e ndërtimit të tij është shërbimi besnik, falas, i hapur dhe privat për të gjithë. Padyshim që këto ishin edhe pretendimet e WhatsApp para se të blihej nga Facebok, historia mund të përsëritet fare kollaj, por sa kohë nuk ka ndodhur kjo është një alternativë.
