May 28, 2022

FDA autorizon pilulën e parë antivirale COVID-19

FDA autorizon pilulën e parë antivirale COVID-19

Ditën e mërkurë, Food and Drug Administration autorizoi pilulën e parë antivirale për trajtimin e COVID-19, e cila do t’i japë një ndihmë mjekëve në luftimin e kësaj sëmundjeje. Ky trajtim, i krijuar nga Pfizer, ul rrezikun e hospitalizimit dhe vdekjes tek pacientët e infektuar me koronavirus.

Kjo pilulë është autorizuar për të gjithë personat mbi 12 vjeç. Trajtimi me pilulat e quajtura Paxlovid bëhet në shtëpi ku personat e infektuar marrin 30 pilula në një periudhë 5 ditore. Problemi qëndron në faktin se trajtimi duhet të niset në ditët e para të shfaqjes së simptomave, por shumë njerëz mund ta neglizhojnë pasi verifikimi i infektimit me COVID-19 kërkon pak kohë.

Nga testimet tregohet se Paxlovid uli rrezikun e hospitalizimit dhe vdekjes me 89% tek adultët e infektuar kur ishte dhënë gjatë 3 ditëve të para të shfaqjes së simptomave.

FDA po studion dhe një tjetër antiviral të ri të quajtur molnupiravir, i krijuar nga kompania farmaceutike Merck. Kjo pilulë është më pak efektive se Paxlovid, pasi testimet treguan se trajtimi me molnupiravir ulte hospitalizimin dhe vdekshmërinë me vetëm 30% tek adultët.

Administrata Biden pritet të ketë mbi 350,000 pilula të Pfizer deri në fund të janarit, siç raportohet nga Bloomberg.

Thursday, 23 December 2021 06:43

Geek Room i dedikohet teknologjisë dhe të apasionuarve pas saj përmes informacioneve në
kohë reale dhe videove rreth risive më të reja.
Lidhu me stafin tonë përmes emailit në:
info@geekroom.al, marketing@geekroom.al

Editorial Staff:
Brenton Bënja
Bekim Haveriku 
Xhonald Mamo

 

 

Geek Room © 2019