November 30, 2021

Blue Origin “provoi fatin” me çmimin e ofruar për ndërtimin e raketës që do të ulet në Hënë sipas NASA

Blue Origin “provoi fatin” me çmimin e ofruar për ndërtimin e raketës që do të ulet në Hënë sipas NASA

Zyrtarët në NASA nuk kanë diskutuar shumë mbi betejat gjyqësore që Blue Origin po ndërmerr në lidhje zgjedhjen e fituesit të programit Artemis Moon, i cili planifikon të ulë në Hënë disa njerëz.

Mirëpo NASA asnjëherë si ka mohuar se cilat ishin faktorët që e detyruan atë të zgjidhte kompaninë e Elon Musk, SpaceX në vend të Blue Origin që është nën pronësinë e Jeff Bezos.

Blue Origin Founder Jeff Bezos Makes Announcement At Satellite 2019 Conference In DC

  • Kostot e larta

Përgjigja kryesore e NASA kundrejt protestës së organizuar nga Blue Origin ishte se ata vendosën të “provonin fatin e tyre si të ishin në kazino” me propozimin për ndërtimin e Blue Moon për $5.9 miliardë. Blue Origin ishte në gjendje të bënte një ofertë shumë më të mirë, por ato po prisnin që NASA të negocionte me to për uljen e kostove. Shkurtimisht, NASA nuk mund të përballonte ofertën e Blue Origin.

Ezekutivët e Blue Origin menduan se do të arrinin ta fitonin këtë projekt duke negociuar, pasi kështu kanë vepruar dhe më parë. Mirëpo përballë tyre qëndronte oferta pothuajse e përgjysmuar nga SpaceX prej $2.8 miliardë, gjë që ishte e parefuzueshme nga ana e NASA.

  • Paditja e NASA

Blue Origin paditi NASA në gjykatën federale disa javë pasi GAO refuzoi protestën e tyre. Ato tashmë po pretendon se NASA u tregua paragjykuese ndaj kompanisë dhe i dha SpaceX një avantazh jo të drejtë. Mirëpo e gjithë kjo betejë po i kushton kohë projektit të NASA, i cili po shtyhet vazhdimisht derisa gjykata të marrë një vendim. NASA dëshiron që vendimi të jepet sa më shpejt në mënyrë që SpaceX të fillojë nga puna për ndërtimin e mjetit që do të ulet në Hënë.

Por nëse gjykata vendos se NASA është treguar e padrejtë, atëherë asaj do t’i duhet të anulojë kontratën me SpaceX dhe të rihapë konkurimin.

Friday, 01 October 2021 08:54 Last modified on Friday, 01 October 2021 09:10

Geek Room i dedikohet teknologjisë dhe të apasionuarve pas saj përmes informacioneve në
kohë reale dhe videove rreth risive më të reja.
Lidhu me stafin tonë përmes emailit në:
info@geekroom.al, marketing@geekroom.al

Editorial Staff:
Brenton Bënja
Bekim Haveriku 
Xhonald Mamo

Geek Room © 2019