August 06, 2021

Kompanitë e teknologjisë do të implementojnë modele më fleksibël të rikthimit në zyra

Kompanitë e teknologjisë do të implementojnë modele më fleksibël të rikthimit në zyra

Javën e kaluar, Apple tha se donte që punonjësit të riktheheshin në kampusin Cupertino për vetëm 3 ditë në javë, duke filluar nga muaji shtator. Mirëpo disa prej tyre që u mësuan tashmë me punimin nga shtëpia nuk ishin të gatshëm ende.

Para se pandemia e COVID-19 të fillonte, shumica e punonjësve punonin në zyra, por duke filluar nga “lockdown” në mars të 2020, punëdhënësit kuptuan se stafi i tyre mund të ishte mjaft produktiv dhe kur gjendeshin në shtëpi. Aq e rehatshme ishte kjo “gjetje” për punonjësit, saqë ato po kërkojnë të mos kthehen më në zyra, ose të gjehet një rrugë e ndërmjetme.

Google, njësoj si Apple ka gjetur një zgjidhje të kombinuar për punonjësit, 3 ditë në zyrë dhe 2 ditë në shtëpi. Koha në zyra është e domosdoshme sipas tyre për t’u fokusuar në bashkëpunimin dhe funksionimin normal.

Facebook gjithashtu po zgjeron punimin nga shtëpia, duke i thënë punonjësve se në 15 qershor kompania do të lejojë punimin nga shtëpia për shumicën e niveleve brenda saj.

Microsoft ka vendosur t’a lejë në dorë të menaxherëve zgjidhjen e situatës, por shumica e punonjësve do të punojnë në largësi për një pjesë të kohës (më pak se 50% të saj).

Amazon fillimisht tentoi të rikthente punën e plotë nëpër zyra, por këtë javë tregoi se ka vendosur që punonjësit të kenë një orar pune më fleksibël, 3 ditë në zyrë dhe 2 ditë në shtëpi.

Salesforce nga ana tjetër po i jep punonjësve disa zgjidhje të ndryshme në varësi të rolit të tyre. Shumica e punonjësve mund të punojnë nga shtëpia në pjesën më të madhe të kohës dhe mund të kthehen në zyrë për 1-3 ditë. Personat që nuk jetojnë pranë zyrave dhe nuk kanë një punë që kërkon praninë e tyre, nuk e kanë të detyrueshme të paraqiten në zyra.

Saturday, 12 June 2021 02:00

Geek Room i dedikohet teknologjisë dhe të apasionuarve pas saj përmes informacioneve në
kohë reale dhe videove rreth risive më të reja.
Lidhu me stafin tonë përmes emailit në:
[email protected], [email protected]

Editorial Staff:
Brenton Bënja
Bekim Haveriku 
Xhonald Mamo