Së fundmi kompania lider në industrinë e automjeteve autonomë Tesla zhvendosi një pjesë të prodhimit të saj në Kinë dhe Coronavirusi nuk është shqetësimi i vetëm për kompaninë.

S'dimë në keni dëgjuar ndonjëherë të flitet për Geely, por duhet ta fiksoni këtë emër pasi kjo është kompania më e madhe private e prodhimit të automjeteve në Kinë.

Ajo prodhon gjithcka nga kamionët, trenat e shpejtësisë së lartë, deri tek dronat për pasagjerë. E për ta mbyllur: Prej pak kohësh është edhe kompania mëmë e Volvo.

Geely bën lajm duke deklaruar se do të krijojë rrjetin e saj të satelitëve me orbitë të ulët, të cilët kanë përparësi ndaj satelitëve të momentit GPS. Këto satelitë do të jenë të aftë të transmetojnë të dhëna me shpejtësi të lartë duke i dhënë kështu automjeteve të Geely një rrjet totalisht të tyrin tek i cili do të mbështetet sistemi i brendshëm i makinës. Precizioni i tyre do të jetë në centimetra. Duke krijuar kështu një infrastrukturë më të sigurt për automjetet Geely, duke i dhënë një shans të fortë Volvo në betejën e makinave autonome.

Projekti do të nisë me një buxhet rreth 326 milion dollarë dhe pritet të prodhojnë 500 satelitë brenda një viti.