WhatsApp ka nisur prej disa kohësh të shtojë shrëbime të reja të rëndësishme në platformë, dhe kësaj here dukete se risia do të jetë përdorimi i username.

Në bazë të raportimeve nga WABetaInfo ne kemi mësuar se në versionin më të ri beta të aplikacionit gjendet një opsion i ri në seksionin e profilit të përdoruesve, vendosja e një username. Nuk dihet ende se si do të funksionojë ky shërbim, megjithatë përdoruesit do të shikojnë gjithnjë e më tepër ngjashmërinë e komunikimit midis aplikacioneve të ndryshme të ofruara nga Meta.

Shumë njerëz të cilët dëshirojnë të mbajnë numrin e tyre privat mund t’i shpërndajnë personave të tjerë vetëm emrin tyre të përdoruesit për të komunikuar, pa patur nevojë për t’i dhënë numrin e telefonit. Sigurisht që enkriptimi end-to-end do të jetë i pranishëm dhe në bisedat e nisura vetëm përmes username.

Ndoshta nuk e keni vënë re, por ne ju kujtojmë se ky ndryshim ka ardhur vetëm pak ditë pasi WhatsApp prezantoi një tjetër shërbim mjaft të rëndësishëm, editimin e mesazheve, kështu që nuk keni pse të shqetësoheni kur bëni ndonjë gabim drejtshkrimor. Për të mësuar më tepër rreth këtij shërbimi klikoni këtu.