November 30, 2021

Facebook lançon Reels për të konkuruar me TikTok

Facebook lançon Reels për të konkuruar me TikTok

Facebook tregoi ditën e sotme se do të sjellë shërbimin e mirënjohur Reels nga Instagram në platformë për disa nga përdoruesit në SHBA. Sipas raportimit nga The Verge, Facebook Reels do të shfaqen tek personat e përzgjedhur në News Feed dhe brenda Groups. Më parë ky shërbim është testuar dhe në Indi, Meksikë dhe Kanada.

Facebook po përpiqet të konkurojë me influencën në rritje të TikTok, i cili është i vetmi aplikacion jo nën pronësinë e Facebook që gjendet në listën e top 5 aplikacioneve më të shkarkuara në botë.

Tashmë me Facebook Reels përdoruesit do të kenë një tjetër alternativë për postimin e videove me format vertikal. Kjo platformë është shumë e njohur për adoptimin e të gjitha shërbimeve që bëjnë bujë nga aplikacione të ndryshme, si përshembull në rastin e “adoptimit” të Snapchat Stories në Facebook, Messenger, Instagram dhe WhatsApp.

Përderisa videot e TikTok po bëhen gjithnjë e më popullore, nuk është një surprizë lajmi që Facebook do të prezantojë Reels dhe në aplikacionin kryesor. Facebook tregoi për The Verge se “do të shpërndajë $1 miliardë për krijuesit deri në vitin 2022” dhe se do të krijojë programe shtesë bonusi.

Friday, 20 August 2021 04:55

Geek Room i dedikohet teknologjisë dhe të apasionuarve pas saj përmes informacioneve në
kohë reale dhe videove rreth risive më të reja.
Lidhu me stafin tonë përmes emailit në:
info@geekroom.al, marketing@geekroom.al

Editorial Staff:
Brenton Bënja
Bekim Haveriku 
Xhonald Mamo

Geek Room © 2019